Merkur
als klassischer Planetenherrscher dieses Mittwochs möge Ihnen wohl gesonnen sein
Von dem Mercurio
Hurtig von laib / vnd sinnen reich / y Mit geschwinden künstlich / mein kein gleich. Mein kind redsprächig / weiß vnd frey / Subtil / wol gelehrt / vnd fromb dabey.Mercurius der sechste Planet / sein natur ist kalt vnn feucht / Wirt geneygt durch sein natur zu dem Planeten bey jhm / bey den guten gut / bey den bösen bös. Bezeychnet jrdischer ding / erkantniß höflicher künst / als Rhetorica / Geometria / Philosophia / vnd dergleichen.
Auß den Farben das graw / vnd essig am geschmackt / Auß den tagen Mittwoch / von den nächten Sambstag nacht / kugelicher form / feuriger natur / als groß als der mond / doch etwas grösser / Nimpt sein liecht vnnd schein von der Sonnen / Laufft allernechst vnder Venus / laufft 7. jar vor der Sonnen / Erfüllet seinen lauff durch den Zodiacum in 34,9 tagen. Die Jungkfraw ist sein erhöhung / hat darinn den größten gewalt. Fisch ist sein Fall / darinn vnd in dem Schützen kein gewalt.
Hat von den thieren / Füchs / Hanen / Rephüner / Bynen / Kränch / Omeyssen / vnd Schlangen.
In Mercurius stund ist gut
Alle thier reiten / brieff schreiben / botten senden / gelt anlegen / damit wechßlen / vnn damit handtieren / Artzney einnemmen / bäum pflantzen / zu Königen vnnd Fürsten gehen / bäw anfahen / gruben vnd brunnen graben / kindt zur Schul thun / vnnd was mit künsten vnnd Meysterschafften zugeht / gut zu handthieren / reysen / gelt vnn schuld einbringen vnd empfangen.
Ein Kind geborn in Mercurius stund /
Wirt redsträchig vnnd weise / frölich bey den leuten / an farben bleych / vnd studiert gern / ist still vnd subtil / gutes raths / ist kein bosheyt in jm.
Mercurius hat am Menschen in die nieren / Jn seiner stund Artzney am gemächt vnd der nieren zugehör nichts.